रास्वपाले आजको केन्द्रीय समिति बैठकबाट ढाकाकुमारको अडिओ प्रकरणबारे निर्णय लिने

सन्देश टूडे

२९ चैत्र २०७९,०९:००

राष्ट्रिय स्वतन्त्र पार्टी (रास्वपा) ले केन्द्रीय समिति बैठक बोलाएको छ।

बुधबार बिहान ९ बजे बस्ने गरी केन्द्रीय समिति बैठक बोलाइएको हो।

पार्टीबाट समानुपातिकतर्फ सांसद रहेका ढाकाकुमार श्रेष्ठ र मेडिकल व्यवसायी दुर्गा प्रसाईबीच कुराकानीको अडिओ सार्वजनिक भएपछि रास्वपाले अनुशासन समितिमार्फत् छानबिन गरिरहेको छ।

श्रेष्ठलाई सांसद र पार्टीका जिम्मेवारीबाट निलम्बन गरेर रास्वपाले छानबिन गरिरहेको हो।

श्रेष्ठसँग रास्वपाको अनुशासन समितिले अडिओ प्रकरणबारे मंगलबार बयानसमेत लिइसकेको छ।

मेडिकल व्यवसायी प्रसाईसँग २ करोड रुपैयाँ मागेको अडिओ आफ्नो नभएको दाबी बयानका क्रममा श्रेष्ठले गरेका छन्। उनले अडिओ एडिट गरिएको दाबीसमेत गरेका थिए।

श्रेष्ठसँग सोधपुछ गरेर अनुशासन समिति प्रमुख भरतमणि देवकोटाले प्रतिवेदन पार्टीमा बुझाइसकेका छन्। उक्त प्रतिवेदन केन्द्रीय समिति बैठकमा पेश गरी आवश्यक निर्णय लिने तयारीमा रास्वपा छ।

सभापति रवि लामिछानेले पार्टीले श्रेष्ठसँग ७२ घन्टे स्पष्टीकरण सोधेको र त्यस समयभित्रै आवश्यक निर्णयमा पुगिने बताएका थिए।

२ करोड मागेको अडिओ श्रेष्ठकै रहेको पुष्टि भए रास्वपाले सांसद र पार्टीको साधारण सदस्यबाट हटाउन सकिने बताएको छ।

महामन्त्री डाक्टर मुकुल ढकालले केन्द्रीय समितिको निर्णय पत्रकार सम्मेलन गरी सार्वजनिक गर्नेसमेत बताएका छन्।

अमेरिका

कला

राजनीति

समाज

अर्थ

खेल

रास्वपाले आजको केन्द्रीय समिति बैठकबाट ढाकाकुमारको अडिओ प्रकरणबारे निर्णय लिने

प्रतिक्रिया गर्नुहोस्

Property Advertisement

सम्बन्धित खबर